Ч.САЙХАНБИЛЭГ ӨНГӨРСӨН ШӨНӨ ЭХ ОРОНДОО ИРЛЭЭ

Ч.Сайханбилэг өчигдөр шөнө Монголд буужээ. Экс Ерөнхий Сайд Ч.Сайханбилэгийг Дубайн гэрээтэй холбогдуулж АТГ шалгаж байгаа бөгөөд түүнийг байцаалт өгөхийг шаардсан. Ч.Сайханбилэгийг заасан хугацаанд ирж хуулийн байгууллагат ирж тайлбар өгөхгүй бол инторполоор эрэн сурвалжлах тухай мэдээллийг ч албаныхан гаргаж тавьсан. Хуулийнханы энэ шийдэмгий тайлбарыг сонсоод Ч.Сайханбилэг нь өвчтэй дүүгээ асарч байгаагаа дуулгаад, Монголд удахгүй ирнэ гэж хилийн чанадаас захидал илгээсэн юм. Тэрээр өчигдөр 21 цагийн орчимд Сөүлээс Улаанбаатарт газардсан байна. Өнөөдөр АТГ-т байцаалт өгч магадгүй юм. Түүний найз С.Баярцогт цагдан хоригдсон буй. С.Баярцогтын араас Ч.Сайханбилэгийг ч хорихыг үгүйсгэхгүй ээ.