ХӨДӨЛМӨРИЙН АЮУЛГҮЙ БАЙДАЛ ЭРҮҮЛ АХУЙ-2018 САРЫН АЯН ЭХЭЛЛЭЭ

Хөдөлмөрийн аюулгүй байдал эрүүл ахуй-2018 сарын аян эхэллээ .Энэхүү аян улс орон даяар хэрэгжиж байгаа бөгөөд Хэнтий аймгийн хувьд "Ажлын байранд дахь ХАБ-эрүүл ахуйн соёлыг төлөвшүүлэхэд Залуучуудийг оролцоог нэмэгдүүлцгээе" уриан дор үргэлжилж байна.

Тиймээс аймгийн ЗДТГ, Хөдөлмөр, халамж үйлчилгээний газар, Мэргэжлийн хяналтын газар, Онцгой байдлын газар, Нийгмийн даатгалын хэлтэс, Ажил олгогч эздийн холбоод хамтран хөдөлмөрийн аюулгүй байдал, эрүүл ахуйн хууль тогтоомж, стандартын хэрэгжилтийг сайжруулах, эрсдэлгүй, аюулгүй, эрүүл ажлын байрны орчныг бий болгох, ажилтнуудад аюулгүй ажиллах зан үйл, соёлыг төлөвшүүлэх зорилгоор "Хөдөлмөрийн аюулгүй байдал, эрүүл ахуй-2018" сарын аяныг өрнүүлэхээр өнөөдөр нээлтээ хийлээ.

Аяны хүрээнд, хөдөлмөрийн аюулгүй байдал, эрүүл ахуйн талаарх хууль тогтоомж, стандартыг аж ахуйн нэгж, байгууллага, ажлын байранд мөрдүүлж хэвшүүлэх, хөдөлмөрийн аюулгүй байдал, эрүүл ахуйн талаархи хууль тогтоомж, стандартын талаар мэдээлэл, сургалт сурталчилгааны ажлууд зохион байгуулагдана. Мөн Ерөнхий боловсролын сурагчдын дунд "Хөдөлмөрийн аюулгүй байдалын талаарх" гар зургийн уралдаан, байгуулагуудын дунд "Хөдөлмөрийн аюулгүй байдал, эрүүл ахуй"-г эрхэмлэгч байгууллагыг шалгаруулах юм байна