ҮЕ ҮЕИЙН УЛСЫН ИХ ХУРЛЫН ҮЙЛ АЖИЛЛАГААНЫ ТАЛААРХ ХАРЬЦУУЛСАН СУДАЛГАА

Монгол Улсын Их Хурлын долоо дахь удаагийн сонгуулиар 2016 онд байгуулагдсан Улсын Их Хурлын 2017 оны намрын ээлжит чуулган өндөрлөөд байна. Энэ удаагийн Улсын Их Хурал өнгөрсөн хугацаанд 2016 оын намрын, 2017 оны хаврын, 2017 оны намрын гээд гурван удаагийн ээлжит чуулган хийгээд байгаа билээ.

Үе үеийн Улсын Их Хурлын үйл ажиллагааны талаар олон нийтэд тоймтой ойлголт, тодорхой мэдээлэл өгөх үүднээс тухайн Улсын Их Хурлын бүрэн эрхийн хугацааны гурав дахь чуулганы үйл ажиллагааг эхний гурван удаагийн чуулганы зарим тоо баримттай харьцуулсан судалгааг толилуулж байна. Энэхүү судалгаанаас Та бүхэн энэ удаагийн Улсын Их Хурлын бүрэн эрхийн хугацааны эхний гурван удаагийн ээлжит чуулганаар баталсан хууль тогтоомжийн тоон үзүүлэлт, гишүүдийн хуралдаанд оролцсон ирцийн байдал, Улсын Их Хурлын шийдвэр Үндсэн хууль зөрчсөн эсэхтэй холбоотой баримт мэдээллийг 2004 оноос хойших Улсын Их Хурлын үйл ажиллагаатай харьцуулсан судалгаатай танилцах болно.