"RIO TINTO" ГРУППИЙН ГҮЙЦЭТГЭХ ЗАХИРАЛ ЕРӨНХИЙ САЙД У.ХҮРЭЛСҮХЭД БАРААЛХЛАА

"Rio Tinto" группийн Гүйцэтгэх захирал Жан Себастьян Жак Ерөнхий сайд У.Хүрэлсүхэд бараалхлаа. Уулзалтын үеэр "Rio Tinto" группийн Гүйцэтгэх захирал Жан Себастьян Жак Ерөнхий сайд У.Хүрэлсүх нар Монгол Улсын Засгийн газар болон "Rio Tinto" групп харилцан ашигтай түншлэлийн шийдлүүдийн талаар санал солилцжээ.

Эхний ээлжинд хамтарсан ажлын хэсэг байгуулж харилцаа, хамтын ажиллагааг бататгахаар ярилцсан байна. Энэхүү ажлын хүрээнд бүх хувьцаа эзэмшигчдийн "Оюу Толгой" төслөөс хүртэх үр ашгийг нэмэгдүүлэх зорилгоор санхүүжилтийн зардлыг бууруулах боломжтой эсэхийг судлахаар болжээ.