Б.НАРАНХҮҮ ГИШҮҮН ЧУУЛГАНДАА СУУХГҮЙ БАЙЖ БИДНИЙГ ТӨЛӨӨЛЖ ЧАДАХ УУ?

Б.Наранхүүг уих-ын гишүүнээс эгүүлэн татах асуудлаар өнгөрсөн арванхоёрдугаар сарын 22-нд нэр бүхий хуульчид үндсэн хуулийн цэцэд хандсан. яагаад хуралдаа суудаггүй талаараа уих-ын гишүүн Б.Наранхүү "орон нутгаа хөгжүүлээд завгүй байна" гэсэн тайлбарыг бидэн өгсөн. Гэтэл түүний сонгосгдсон дундговь аймаг өрсөлдөх чадварын оноогоор 21 аймгаас 19-д оржээ.

Үндсэн хуулийн цэцэг уг гишүүний асуудлаар "маргаан үүсгэх эсэх асуудлаар шалгалт үргэлжилж байгаа. Хуулийн дагуу өргөдлийг хянан шалгах хугацааг сунгасан. уих-ын гишүүн б.наранхүү чуулган, байнгын хорооны хуралдаанд оролцохгүй байсан шалтгаанаа тайлбарласан тайлбар саяхан ирээд байна. Энэхүү тайлбарыг нийтэд мэдээлэх боломжгүй" гэсэн тайлбарын ikon.mn-ийн сэтгүүлчид өгсөн байна.

ИРЭХ САРЫН 05-НЫ ДОТОР Б.НАРАНХҮҮ ГИШҮҮНИЙГ ЭГҮҮЛЭН ТАТАХ ЭСЭХИЙГ ШИЙДЭХ ЁСТОЙ

Б.Наранхүү гишүүн 2017 оны хаврын чуулган нийт 25 удаа хуралджээ. Хуралдааныг хамгийн их буюу 15 удаа тасалжээ. Гадаадад томилолт нэр, чөлөөтэй байсныг нь нэмбэл 25 удаагийн хуралдааны 21-д нь суугаагүй эрхэм болжээ. Өөрөөр хэлбэл, 4 хуралдаанд буюу нэг бүтэн улирлын хуралдааны 16 хувьд нь л суужээ.

Хуульд зааснаар өргөдөл ирснээс хойш 14 хоногийн дотор үндсэн хуулийн цэц маргаан үүсэх эсэх талаар шийдвэр гаргах ёстой ажээ. Энэ хугацаа нэгдүгээр сарын 05-нд дууссан. Улмаар үндсэн хуулийн цэц өргөдөл шийдэх хугацааг 30 хүртэлх хоногоор сунгаад байгаа юм. Өөрөөр хэлбэл хоёрдугаар сарын 05-ны дотор Б.Наранхүүгийн асуудлаар маргаан үүсэх эсэхийг шийдвэрлэх болоод байна.