БНСУ-Д 12476 МОНГОЛ ИРГЭН ХУУЛЬ БУСААР ОРШИН СУУЖ БАЙНА

МУ-ын Ерөнхий сайд У.Хүрэлсүхийн БНСУ дахь айлчлал хоёр дахь өдрөө үргэлжилж байна. БНСУ-ын Хууль зүйн яамны Цагаачлалын албаны мэдээнд 2017 оны 11 дүгээр сарын 30-ны өдрийн байдлаар Монгол улсын 46212 иргэн оршин сууж байгаагаас эрэгтэй 22433, эмэгтэй 23779 иргэд байна. БНСУ-Д оршин суугаа Монгол Улсын нийт иргэдийн хувьд: Аялал жуулчлалаар 22062 Оюутан 7404 Гэрээт ажилтан 6881 Оршин суугчийн гэр бүл 1109 Хамтран амьдрагч 2967 Солонгос иргэнтэй гэр бүл болсон 1753 Бусад з 4308 иргэн оршин сууж байна. Харин нийт иргэдийн 26.9 хувь буюу 12476 иргэн визний хугацааг хэтрүүлэн хууль бусаар оршин сууж байна гэж мэдээллээ. 1/16/2018 БНСУ-д 12476 Монгол иргэн хууль бусаар оршин сууж байна.

БНСУ-ын ХЗЯ-ны Цагаачлалын албанаас орон нутгийн засаг захиргаа, цагдаагийн газартай хамтран 2017 оны хоёрдугаар сарын 13-аас есдүгээр сарын 30-ны хооронд улсын хэмжээнд хууль бусаар оршин сууж буй гадаад иргэдийг шалгах арга хэмжээг 153 удаа зохион байгуулжээ. Шалгалтын хүрээнд 995 Монгол иргэнийг саатуулж, нутаг буцаасан бол , 2017 оны долоодугаар сарын 10-аас 10 дугаар сарын 10-ны хооронд зарласан өршөөлийн аяны хугацаанд 537 Монгол иргэн сайн дураараа нутаг буцжээ.

Э.Лхагва

Эх сурвалж: Монгол Тв