НИТХ-ЫН ДАРГА С.АМАРСАЙХАН НҮБ-ИЙН СУУРИЙН ТӨЛӨӨЛӨГЧИЙГ ХҮЛЭЭН АВЧ УУЛЗЛАА

Нэгдсэн үндэстний байгууллагын Хөгжлийн Хөтөлбөрийн суурин төлөөлөгч хатагтай Даниэла Гашпариковаг НИТХ-ын дарга С.Амарсайхан хүлээн авч уулзлаа. Уулзалтаар ИТХ-ын ажлын албаны төрийн албан хаагчдийг чадавхижуулах, сургалтанд нь хамруулах нь үр дүнтэй байх гэсэн саналыг дэвшүүлж НҮБ-ийн Хөгжлийн хөтөлбөрийн суурин төлөөлөгч хатагтай Даниэла Гашпарикова "Үнэ цэнтэй чухал санал дэвшүүлсэнд талархаж байгаага дурьдаад, таны энэ саналыг төслийн багийнханд албан ёсоор танилцуулна" гэлээ.Уулзалтад оролцогчид төслийг НИТХ-ын үйл ажиллагаанд хэрхэн хэрэгжүүлэх, хэлэлцүүлэг явуулах, сургалт семинарын байнгын механизмыг Удирдлагын академитэй хамтран хэрхэн бий болгох гэх зэрэг сэдвээр харилцан яриа өрнүүлснээр уулзалт амжилттай болж өндөрлөлөө.