Н.ЗОЛЖАРГАЛЫН ХЭРЭГТ ГАДААД УЛСАД МӨРДӨГЧИЙН ДААЛГАВАР ХҮРГҮҮЛЖ, ТУСЛАМЖ ХҮСЧЭЭ

Монгол банкны экс ерөнхийлөгч Н.Золжаргалд холбогдуулан тодорхой хэд хэдэн үндэслэлээр цагдаагийн байгууллага, АТГ-ын хамтарсан ажлын хэсэг яллагдагчаар татаж мөрдөж шалгах ажиллагаа явуулж байгаа юм.

Түүнийг албаны эрх мэдлийг хэтрүүлэн бусдад болон өөрийн хамаарал бүхий хүмүүст нийгмийн асуудал шийдвэрлэх нэрийдлээр давуу байдал олгосон, Банкны хууль тогтоомжийг зөрчсөн, өөрөө үндэслэлгүйгээр хөрөнгөжсөн байж болзошгүй асуудлыг шаглаж байгаа юм. Зарим арилжааны банкаар гадаад улсад хамаарал бүхий этгээдэд их хэмжээний мөнгө шилжсэн, эд хөрөнгө худалдаж авсан зэрэг байдлыг судлахаар гадаад улсад мөрдөгчийн даалгавар хүргүүлж мөрдөн шалгах ажиллагаа явуулж байгаа юм байна