МАН-ЫН УЗ-ИЙН ХУРЛААР ЮУ ЯРИГДАВ

МАН-ын Удирдах зөвлөл өчигдөр шинэ бүрэлдэхүүнтэйгээр анхныхаа хуралдааныг хийсэн билээ. Хуралдаанаар 2018 оны ерөнхий төлөвлөгөө, зохион байгуулалт, Удирдах зөвлөлийн ажлын албаны дүрэм, МАН-ын бодлогын хорооны зохион байгуулалт, ажиллах журам, Удирдах зөвлөл хуралдааны дэгийн тухай журам зэрэг асуудлыг хэлэлцсэн байна. Удирдах зөвлөлийн хуралд Монгол Улсын Ерөнхий сайд У.Хүрэлсүх оролцож, УИХ-ын гишүүдийг ёс зүй, хариуцлагатай байж, байнгын хороо, чуулганы хуралдаандаа сууж намын бодлого, мөрийн хөтөлбөр хэрэгжүүлэхэд онцгой анхаарах шаардлагатайг сануулсан гэх мэдээлэл байна. Удирдах зөвлөлийн хуралдааны үеэр гишүүдийн зүгээс ОУВС-гийн хөтөлбөрийн хүрээнд нэмэгдсэн долоон төрлийн татварын асуудлыг эргэж харах шаардлагатай гэсэн байр суурийг илэрхийлсэн байна. .МАН-ын Удирдах зөвлөлийн бүрэлдэхүүн 28-р Их хурлынх нь үеэр шинэчлэгдэж, нэр бүхий 29 гишүүнтэй болоод байгаа билээ. МАН-ын Удирдах зөвлөлд У.Хүрэлсүх, Д.Амарбаясгалан, Х.Баделхан, М.Энхболд, Л.Энх-Амгалан, Д.Хаянхярваа, Я.Содбаатар, Б.Саранчимэг, Ө.Энхтүвшин, Г.Занданшатар, Ц.Цогзолмаа, Ж.Эрдэнэбат, С.Батболд, Т.Аюурсайхан, Г.Солтан, С.Бямбацогт, Л.Оюун-Эрдэнэ, Ж.Энхбаяр, Д.Тогтохсүрэн, Ж.Мөнхбат, Ц.Гарамжав, М.Оюунчимэг, Г.Мөнхцэцэг, Д.Сарангэрэл, О.Содбилэг, Ж.Ганбаатар, Д.Оюунхорол, Сү.Батболд, Ч.Улаан нарын гишүүд багтаж буй юм.