Б.БАТДЭЛГЭР ЕРӨНХИЙ САЙДАД БЭЛЭГ ЯВУУЛЖ ДАВХАР ШААРДЛАГА ХҮРГҮҮЛЛЭЭ

Хэлмэгдэгсдийн хөшөөний өмнө өлсгөлөн зарлаж байсан "Бүрэн цутгамал" компанийн захирал Б.Батдэлгэрийг өнгөрсөн сард эмч нарын дүгнэлтийг үндэслэн Чингэлтэй дүүргийн нэгдсэн эмнэлэгт албадан эмчилсэн. Тэрээр өчигдөр эмнэлгээс гарсан бөгөөд тэр даруйдаа Төрийн ордонд Өвлийн өвгөний хувцас өмсч очжээ. Б.Батдэлгэр "Жавар тачигнасан газраас ирсэнгүй, Утаа баагисан Улаанбаатараас ирлээ" хэмээн шүлэглээд Ерөнхий сайд У.Хүрэлсүхэд гарын бэлгээс гадна нэгэн шаардлага хүргүүлсэн байна. Шаардлагад "Сант сургуулийн өргөтгөлийг барьсан Бүрэн цутгамал компани өдий хүртэл ажлын хөлсөө өгөхгүй байгаагаас гадна Б.Батдэлгэрийг гэмт хэрэгт холбогдуулан гүтгэж байгаа тул энэхүү хууль бус үйл ажиллагааг зогсоож өгөхийг хүсчээ. Мөн энэ асуудлыг шийдвэрлэж өгөхгүй байгаа Нийслэлийн Засаг дарга С.Батболдод хариуцлага тооцож өгөхийг уламжилсан байна. Б.Батдэлгэрийг Өвлийн өвгөний хувцастайгаар Төрийн ордонын баруун хаалган дээр урьдчилж тохиролцсоны дагуу Сантагийн хувцастай жижиг дунд худалдаа эрхлэгчидтэй хамт очсон байна. Гудамж талбайд зөвшөөрөлгүй худалдаа хийж байсан худалдаачдын тавиур, саравчийг буулгасан юм. Санта нар мөн л төр, засгийн удирдлагуудад гарын бэлэг хүргүүлсэн байна.