Ш.РАДНААСЭД ГИШҮҮНИЙ ТОМИЛСОН ДАРГА НАР БАРИВЧЛАГДЖЭЭ

УИХ-ын гишүүн Ш.Раднаасэд нь 2016 оны сонгуулиас өмнө МХЕГ-ын даргаар ажиллаж байсан. Тухайн үедээ өөрийн багийнхангаа бүрдүүлж, газар хэлтсийн дарга нарын дунд халаа сэлгээ өрнүүлжээ. Одоо хуулийн байгууллагат хоригдон шалгагдаж МХЕГ-ын Хилийн мэргэжлийн хяналтын газрын дарга н.Аззаяа, Экспорт, импортын хэлтсийн дарга н.Баярсайхан болон 10-аад тооны байцаагч УИХ-ын гишүүн Ш.Раднаасэдийн багийнхан байсан гэх мэдээлэл байна. Ш.Раднаасэдийн дараа тус газрын даргаар томилогдсон Р.Содхүү тэднийг ажлаас нь чөлөөлсөн боловч заргалдаад буцаад ажилдаа оржээ. Баривчлагдан шалгагдаж байгаа албан тушаалтнууд мах экспортолдог аж ахуй нэгжүүдээс хоёр жил гаруй хугацаанд авилга аваад гаршсан байсан тухай мэдээлэл бий.