Д.ОЮУНХОРОЛ: “ГАР АРГААР АЛТ ОЛБОРЛОГЧ ХҮН ГЭЖ БАЙХГҮЙ, ИХЭНХ НЬ СУПЕР НИНЖА БОЛСОН

Өнөөдөр УИХ-ын чуулганаар "Бичил уурхай эрхлэгч иргэдийн талаар авах арга хэмжээний тухай УИХ-ын тогтоолын төслийг хэлэлцсэн билээ. Энэ үеэр УИХ-ын гишүүн Д.Оюунхорол "Гар аргаар алт олборлогч хүн гэж байхгүй. "Супер нинжа" нар бий" хэмээн ярьсан юм. Ингээд түүний яриаг бүрэн эхээр нь хүргэе.

"Өнөөдөр гар аргаар алт ухаж байгаа хүн бараг байхгүй. Ихэнх нь супер нинжа болсон.

Өнөөдрийн энэ асуудлыг түр хойшлуулах хүсэлтэй байна. Нэгдүгээр, Уул уурхайн сайд байхгүй байна. Хоёрдугаарт, бичил уул уурхай эрхлэгчид өнөөдөр байгаль эх дэлхийг хохирооход хамгийн их гар, бие оролцож байгаа хүмүүс. Зөвшөөрөлтэй, зөвшөөрөлгүй энд тэнд газар ухаж байгаа. Тэр дундаа өнөөдөр гар аргаар алт ухаж байгаа хүн бараг байхгүй. Ихэнх нь супер нинжа болсон. Техникжсэн, үйлдвэрийн зориулалттай техник аваачиж тавьж байгаад, ухаж байгаа.

Тэдний статус нь гар аргаар алт олборлож байгаа, бичил уурхай эрхлэгч гэж байгаа. Үнэхээр энд хуулийн цоорхой байгаа. Өнөөдөр томоохон аж ахуй нэгжүүд тодорхой хэмжээнд нөхөн сэргээлт хийж байгаа. Нөхөн сэргээлт хийхгүй байгаа газрын дийлэнх нь бичил уурхай эрхлэгчид байдаг" хэмээв.

Б.Ирээдүй