ТА ЗЭЭЛЭЭ ЯАГААД ТӨЛӨХГҮЙ БАЙГАА ЮМ БЭ?

АТГ-аас Боловсролын зээлийн сангийн зээлээр гадаад улсад суралцаад сураггүй болсон хүмүүсийн нэрийг ил тод зарлах шаардлагыг холбогдох байгууллагуудад тавьсан. Энэ дагуу Боловсролын зээлийн сангаас Төрийн сангийн зээлээр гадаадад суралцаад холбоо бариагүй иргэдийн нэрсийг зарласан билээ.

Ийнхүү зарлахдаа Сургалтын төрийн сангийн санхүүжилтээр Гадаадын их, дээд сургуулийн магистрантур, докторантурт суралцсан ч өнөөдрийг хүртэл холбоо бариагүй, заасан хугацаанд ирээгүй 393 иргэний нэрсийг албан ёсоор зарлав. Эдгээр иргэдийн дунд УИХ-ын гишүүн Б.Саранчимэгийн нэр байсан бөгөөд түүнээс манай сэтгүүлч "Та зээлээ яагаад төлөхгүй байгаа юм бэ?" хэмээн шууд асуусныг та бүхэндээ хүргэе.

УИХ-ын гишүүн Б.Саранчимэг хувьд Гавайн Пасифик ИС-д 1998 онд төрийн сангийн зээлээр суралцаад зээлээ төлөөгүй аж. Сургалтын төрийн сангаар гадаадад сурахад нэг жилд 16 000 ам доллар байдаг. Сурсан жилээр үржүүлвэл нилээд мөнгө гарна.