Ж.БАТЗАНДАН УУРЛАЖ, О.БААСАНХҮҮГ "БААС" ХЭМЭЭН ДОРОМЖЛОВ

УИХ-ын чуулганы хуралдаан сүүлийн үед их хурц, ширүүн болдог болж. Эрхэм гишүүд бие биеэ элдвээр доромжилж, хулгайч, луйварчингаар нь дуудалцдаг болсон. Өнөөдөр Б.Хурцыг томилох асуудлыг чуулганы нэгдсэн хуралдаанаар хэлэлцэх үед О.Баасанхүү рүү Ж.Батзандан их л ууртайгаар дайрч давшилж "хууль мэддэггүй, хуульч нэр зүүсэн "Баас", машины хонины хонхорт тогтсон баас гэх мэтээр түүнийг нэрээр нь гутаан доромжлов. Ямартай ч хууль мэддэг гишүүн гэж өөрийгөө дөвийлгөн, өөрөө Үндсэн хуулиа зөрчин О.Баасанхүү гишүүн рүү дайрч, давшлав. Эрхэм гишүүний хувьд өөрийнхөө уурыг үнэхээр барьж чадсангүй. Тэрбээр "Энэ томилгооны нийтийн сонсголыг явуулахгүй гэж нэлээдгүй гишүүд эсэргүүцэж байгаа. Би бөлдөгдүүлсэн гэж хэлэхээ больё, бурантаглуулсан гишүүд гэж хэлье. Нийтийн ашиг сонирхлыг хөндөх асуудлаар л нийтийн сонсгол хийнэ гэж хууль яриад байна. Өмнөд Солонгост байгаа 30 мянган хүний эрх ашгийг хөндөж байгаа энэ сэдэв олон нийтийн асуудал биш юм уу. Ялангуяа Баасанхүү гишүүн Б.Хурцыг их өмгөөлж байна. Баасанхүү шиг баасын үгээр явахгүй. Баасанхүү бол миний араас явсан хуульч нэртэй хулгайч. Б.Хурцын машины хонины хонхорт явдаг хүний үгийг битгий тоо. Энэ асуудлаар нийтийн сонсгол хийх хэрэгтэй" хэмээв.