ЗАСГИЙН ГАЗАР ЭЭЛЖИТ ХУРАЛДААНААРАА ТЕГ-ЫН ДАРГЫГ СОЛЬСОН УУ? ШУУД

Засгийн газрын хуралдаан төрийн ордноо болж байна. Өнөөдрийн хуралдаанаар ТЕГ-ын даргыг чөлөөлж, томилох асуудал яригдах болсон талаар ньюс.мн сайт мэдээллээ. Хууль зүйн сайд Ц.Нямдоржийн хэлсний дагуу Ерөнхий сайд У.Хүрэлсүх ТЕГ-ын дарга Б.Хурцыг ажлаас нь чөлөөлж, оронд нь Д.Гэрэлийг томилуулах асуудлыг хэлэлцэхээр болжээ.

Өнгөрсөн долоо хоногт ТЕГ-ын дарга Б.Хурц 'Эрдэнэт', С.Зориг зэрэг дуулиант асуудлаар Хууль зүйн сайд Ц.Нямдоржийн талаар мэдээлэл хийсний хариуд Ц.Нямдорж 'Б.Хурцыг солино' гэж мэдэгдсэн. Харин өнөөдөр хэлсэн амандаа хүрч, ийнхүү ажлаас нь чөлөөлж байгаа бололтой.

Д.Гэрэл нь ТЕГ-ын даргаар 2012- 2013 онд ажиллаж байсан юм байна. Тэрбээр НАХЯ-ны УАХЕГ-т ажилтан, ахлах ажилтан, Токио дахь ЭСЯ-нд дипломат ажилтан, УАБХГ-ын Тамгын хэлтсийн орлогч, Гадаад тагнуулын албаны дарга, Токио дахь ЭСЯ-нд зөвлөх консул, мөн ЭСЯ-нд зөвлөх консулын хэлтсийн дарга, БНСУ-д суугаа Монгол Улсын бүрэн эрхт элчин сайдаар тус тус ажиллаж байсан.