Ж.ЭНХБАЯР: БОЛОВСОН ХҮЧНИЙ АЛБАНДАА ИТГЭХ ИТГЭЛИЙГ СУЛРУУЛАХ ГУРАВ ДАХЬ УДААГИЙН ОРОЛДЛОГО БОЛЛОО

Эх орноо батлан хамгаалах үндсэн үүрэг нь Монголын төрд байдаг. Монголын төр бодлогоор гадаад дотоодод асар өндөр асар өндөр зардлаар бэлдсэн, олон улсын цэрэг, техникийн хамтын ажиллагааны гэрээний хүрээнд бэлтгэгдсэн 603 офицер оо мартсан, хаясан. Монголын төр ой санамжаа алдчихсан байна.

Монгол ардын нам эрх барьж байгаа үед нэг үе хамт үүссэн ардын армийн офицеруудад ингэж хандаж болохгүй. Батлан хамгаалах салбарын хүн байж У.Хүрэлбүх үүнд анхаарал хандуулах ёстой. Монголын төр эх орноо батлан хамгаалах үндсэн үүргээсээ ухарч болохгүй. Тэдгээр залууст юу гэх юм бэ? Монголын төр та нарыг мартсан гэх юм уу? Зэвсэгт хүчинд зүтгэж байгаа хүмүүсийг албандаа итгэх итгэлийг алдагдуулах энэхүү увайгүй үйлдэл гурав дахь удаагаа болж байна. Төрийн даалгавраар явж байгаа хүмүүсийг яагаад мартаж, хаяж байгаа юм бэ?