Ч.ХҮРЭЛБААТАР: ЧААВААС ДАА...

Ерөнхийлөгч Х.Баттулга Засгийн газрын гишүүдийг томилох УИХ-ын тогтоолд хэсэгчлэн хориг тавьсан. Ингэхдээ Сангийн сайд Ч.Хүрэлбаатарын томилгооны хэсэгт хориг тавиад байгаа юм. Ерөнхийлөгчийн энхүү үйлдлийн талаар Сангийн сайд Ч.Хүрэлбаатар өөрийн цахим хуудсаараа дамжуулан ийнхүү байр сууриа илэрхийлэв. Тэрбээр "Ерөнхийлөгч Х.Баттулга намайг Сангийн сайдаар томилсон УИХ-ын тогтоолд хориг тавьжээ. 3 талт хэлэлцээрийн үр дүнд төрийн албан хаагчдад 300 мянган төгрөг өглөө гээд хориг тавьсан юм байх аа. Өмнөх Засгийн газар өргөн бариад өнөөдөр УИХ баталсан 2017 оны төсвийн тодотголд туссан асуудлаар надад хориг тавьсан аж. УИХ олонхоороо шийдсэн төсвийн асуудалд нэг хүнийг буруутгах ч гэж дээ. Чааваас даа..." хэмээв.