​ЗАСГИЙН ГАЗАР ӨРГӨТГӨСӨН ХУРАЛДААН ХИЙНЭ

УИХ-ын чуулганы хоёр өдрийн хуралдаанаар Монгол Улсын 30 дахь Ерөнхий сайд У.Хүрэлсүхийн танхимын гишүүдийг томилох асуудлыг хэлэлцэн батлаад байна. Хуралдааны үеэр Ерөнхий сайд танхимаа бүрдүүлэнгүүтээ Засгийн газраа хуралдуулж, цаг үеийн бүхий л асуудлаар хуралдаж, шуурхай арга хэмжээ авч ажиллана гэдгээ мэдэгдээд байгаа юм. Тэгвэл өнөөдөр Ерөнхий сайд У.Хүрэлсүх Засгийн газрын өргөтгөсөн хуралдаан зарласан байна. Уг хуралдаан 12 цагт Төрийн ордны А танхимд болох бөгөөд салбаруудын өвөлжилтийн бэлтгэл ажил хангагдсан эсэх, ажлын явц, цаашид авах арга хэмжээнүүдийг хэрхэх тухай хэлэлцэх юм.

Б.Ирээдүй