Н.УЧРАЛ: ХИЛИЙН ХЯНАЛТЫГ ОРХИГДУУЛСНААС ИРГЭД ХОХИРЧ БАЙНА

Н.Учрал "Хилийн хяналтыг орхигдуулсан учраас ард иргэд их хохирч байна. Сайханбилэгийн Засгийн газрын үед тээшинд үзлэг хийхийг хориглосноос болж эрүүл мэндээрээ хохирсон иргэд байна. Тиймээс шадар сайд уг асуудлуудыг шийдэх тал дээр анхаарна уу. Чанар дээр анхаарч байна гэдэг нэр дээр мэргэжлийн бус хүн шалгаж байна. Хүнсний аюулгүй байдал ноцтой байна.

Төсвийн мөнгийг үрэн таран хийсэн газрууд байна. Сэлэнгийн чөлөөт бүс ямар хэрэгтэй юм. Хөрөнгө оруулалт нь байвч, юу хийхээ мэддэггүй. Шадар сайд хөгжлийн загварыг тодорхойлдог, бодлогын сайд шүү" хэмээв.

Ө.Энхтүвшин "Хуулиар хариуцуулсан 8 асуудал, 4 агентлаг байна. Мэргэжлийн хяналттай холбоотой санал мягтай зүйлийг ярилаа. Мэргэжлийн хяналтыг санаачилж байгуулсан хүний нэг байгаа юм. Өөрчлөх зүйл байвал өөрчилнө. Хяналтын байгууллага хуулийн дагуу ажилладаг. Хүнд суртал гаргадаггүй, ажил нь шуурхай зарчмаар ажиллах ёстой. Энэ дагуу ажил явж байгаа эсэхтэй танилцаж, ажилдаа орно.

Эдийн засгийн чөлөөт бүстэй холбоотой санал байна. Чөлөөт бүсийн ажил удаан байгаа. Танилцана. Ажлаа хийдэг, ажил мэддэг хүмүүс байх ёстой. Чөлөөт бүс хэрэгтэй бол хэрэгтэй" хэмээв.