М.ЭНХБОЛДЫН ТАЛААС САНАЛ БОЛГОСОН ДӨРВӨН САЙДЫГ У.ХҮРЭЛСҮХ ДЭМЖСЭНГҮЙ

УИХ дахь МАН-ын бүлгийн 32-ын гишүүнийн талаас Монгол Улсын Шадар сайдад Л.Энх-Амгалан, Байгаль орчин аялал жуулчлалын сайдад О.Содбилэг, БСШУС-ын сайдад Ц.Цогзолмаа, Барилга хот байгуулалтын сайдад Х.Баделхан, Батлан хамгаалахын сайдад Н.Цэрэнбат, Зам тээврийн хөгжлийн сайдад Ж.Бат-Эрдэнэ нарын нэрсийг бүлгийн хуралдаа оруулжээ. Харин эдгээрээс Монгол Улсын Ерөнхий сайд Ж.Бат-Эрдэнэ, Ц.Цогзолмаа нарыг хүлээн зөвшөөрч Л.Энх-Амгалан, О.Содбилэг, Х.Баделхан, Н.Цэрэнбат нартай хамтарч ажиллаж чадахгүй гэдгээ илэрхийлэв. Бүлгийн хурал завсарлаж маргааш үргэлжлэхээр болсон байна. Бүлгийн хурлын дараа Ерөнхий Сайдаас дэмжлэг авч чадаагүй дөрвөн гишүүн У.Хүрэлсүхийн өрөөнд орж уулзсан ч тэрээр "үгүй" гэдэг хариулт сонсоод гарчээ. Л.Энх-Амгалан, О.Содбилэг нарын хувьд уул уурхайн салбарт бизнестэй ашиг сонирхлын зөрчилтэй учир тэднийг дэмжээгүй байх магадлалтай. Харин Н.Цэрэнбат гишүүний хувьд цэргийн алба хааж үзээгүй байж Батлан хамгаалахын салбарыг удирдуулах зориг У.Хүрэлсүхэд дутсан байж мэдэх юм.