САЙДЫН СУУДАЛРУУ ЧИЧРЭЭГҮЙ, ЗАРЧИМДАА ҮНЭНЧ ГИШҮҮД

Ж.Эрдэнэбатын Засгийн газрыг огцруулахдаа нэр бүхий гишүүд албан тушаалын төлөө биш, харин нийгэмд шударга ёс хэрэгтэй, улстөрд хариуцлага байдаг гэдгийг харуулах зорилготойгоор энэ алхамыг хийж байгаа хэмээн мэдэгдэж байсан билээ. Гэхдээ тэдний энэхүү үгийг нийгэм үнэмшин хүлээж аваагүй бөгөөд албан тушаалд санаархан, дараагийн бялууг хүртэх гэсэн үйлдлээ хаацайлж буй хэрэг хэмээн хардаж байсан юм. Тэгвэл албан тушаал биш шударга ёсыг эрэлхийлэн өөрийн засгийн газрыг огцруулсан зарим гишүүд өөрсдийн хэлж ярьж байсныг үнэн бодит байсан гэдгийг баталлаа.

Тодруулбал, УИХ-ын гишүүн Т.Аюурсайхан, Н.Учрал, Ц.Нямдорж, Ж.Энхбаяр, Л.Оюун-Эрдэнэ сайдын суудлаас татгалзсан байна. Харин тухайн үед албан тушаал гол нь биш хэмээн ярьж байсан Д.Сарангэрэл, Б.Батзориг, С.Чинзориг нар нь сайдад яригдаад эхэлжээ.

Ямартай ч Т.Аюурсайхан, Н.Учрал, Ц.Нямдорж, Ж.Энхбаяр, Л.Оюун-Эрдэнэ нарын хувьд хэлсэн ярьсандаа байж, нийгэмд шударга ёсыг бий болгох, улстөрд ёс зүйн хэм хэмжээ тогтоох, хариуцлага бий болгох гэсэн хүсэлт нь ямар нэгэн эрх ашгийн үүднээс биш, харин чин сэтгэлийнх байжээ гэдэг нь тэдний энэхүү үйлдлээр батлагдах шиг. Нэг үгээр хэлбэл тэд улстөрд нэгэн шинэ соёлыг бий болгож буй энэхүү үйлдэл олон нийтийн талархалыг хүлээж буй үйлдэл юм.

Ийгл телевизийн явуулсан судалгаагаар дээрх эрхмүүдийг У.Хүрэлсүхийн Засгийн газарт орж ажиллахыг олон нийт дэмжиж байсан. Гэвч олон нийтийн хүсэн хүлээж байсан дээрх эрхмүүд албан тушаалаас татгалзаж, улстөрд хяналт, хариуцлага тооцон ажиллах замыг сонгож байгаа бололтой