​ЭРХ БАРИГЧИД ӨРИЙН ХЭМЖЭЭГ ТЭРБУМААР НЭМЖЭЭ

Эрх баригч нам нэг жилийн хугацаанд "Чингис бонд"-той дүйцэхүйц нэг тэрбум ам.долларын өрийг нэмж тавьсан байна. Хамгийн гол нь тэд ийнхүү санхүүжилт босгочихоод бүтээн байгуулалт хийгээгүй бөгөөд үрэгдээд алга болжээ. Өнгөрсөн жил 580 сая долларын евро бондын төлбөрийг "Хуралдай бонд"-оор дарсан байдаг гэж УИХ дахь АН-ын бүлэг хийсэн мэдээлэлдээ тодотголоо.

2018 оны нэгдүгээр сард "Чингис бонд"-ын 500 сая долларыг төлөх ёстой. Энэ бондыг "Чингис бонд"-оос зээл авсан аж ахуйн нэгжүүдээс төлүүлэх боломжтой гэж үзлээ. Харин дараагийн төлбөрийг 2022 онд төлөх графиктай. Самура бондын төлбөрийг 2023 оны 12-р сарын 25-нд төлнө. Тиймээс өр төлөх гээд одоогийн эрх баригчид зүдгээгүй гэж үзлээ.

УИХ дахь АН-ын бүлгийн дарга Ж.Батзандан

Төсвийн алдагдлыг огцом нэмсэн, өрийн даацыг өсгөсөн тиймээс олон улсын МҮДИС агентлагаас зээлжих зэрэглэлийг бууруулсан. 2017 оны 2-р улирлын байдлаар ажилгүйдэл ядуурал нэмэгдсэн байна, дээр нь төсвийн орлого давсан энэ үед төсвийн тодотголыг хийх шаардлагагүй байсан. Төсвийн тодотголд тусгаад байгаа 17 төрлийн зардлаас хүүхдийн мөнгөнөөс бусад нь 2018 оны төсөв хүртэл тэвчиж болох зардлууд багтсан гэж АН-ын бүлэг үзжээ.

УИХ-ын гишүүн З.Нарантуяа

Мөн Монгол Улс огцорсон Засгийн газартай олон нэлээд цаг хугацааг өнгөрөөлөө. Ерөнхий сайд томилогдсоноосоо хойш 14 хоногийн дотор Засгийн газраа бүрдүүлэх хуультай, гэтэл одоо бүрэлдэхүүн нь тодорхойгүй долоо хонож байна. Энэ байдал нийгэм, эдийн засагт сөрөг үр дагавартай. Эрх баригч намын дотоод зөрчил нь нэг намын эвслийн засгийн газар шиг харагдаж байна. Өмнөх засгийн газрын хувьд хүүхдийн мөнгийг хууль бусаар олгосон, 60 тэрбумын хэрэг зэрэг асуудлаас болж огцорсон. Тэгвэл 60 тэрбумынхан шинэ Засгийн газраас явсан уу, үдсэн үү гэх асуултанд дараах хариултыг өгсөн юм.

УИХ-ын гишүүн Л.Болд

У.Хүрэлсүхийн танхим давхар дээлтэй сайд нараас бүрдэхээр байгаа. Давхар дээлтэй сайд нарыг дэмжихгүй, дэд сайд нарыг байхгүй болгох, ашиг сонирхолын зөрчилтэй сайд нарыг дэмжихгүй.

УИХ дахь АН-ын бүлгийн дарга Д.Эрдэнэбат

Сөрөг хүчний 9 гишүүн хүрэлсүхийн засгийн газрын сайд нарын цөөнгүйг нь дэмжихгүй байхаар харагдаж байна.