​ДӨРВӨН БАЙНГЫН ХОРОО ХУРАЛДАЖ, САНАЛ ДҮГНЭЛТЭЭ ТӨСВИЙН БАЙНГЫН ХОРООНД ХҮРГҮҮЛНЭ

Өнөөдөр УИХ-ын дөрвөн байнгын хороо хуралдах товтой. Тодруулбал, Төрийн байгуулалтын байнгын хороо, Хууль зүйн байнгын хороо, Аюулгүй байдал, гадаад бодлогын байнгын хороо, Байгаль орчин, хүнс, хөдөө аж ахуйн байнгын хороо тус тус хуралдах юм.

Төрийн байгуулалтын байнгын хороо 9 цагт хуралдах бөгөөд Монгол Улсын 2017 оны төсвийн тухай хуульд өөрчлөлт оруулах тухай, Нийгмийн даатгалын сангийн 2017 оны төсвийн тухай хуульд өөрчлөлт оруулах тухай хуулийн төслийн хоёр дахь хэлэлцүүлгийг хийн, санал дүгнэлтийг Төсвийн байнгын хороонд хүргүүлэх юм байна. Хууль зүйн байнгын хороо ч гэсэн мөн дээрх хуулийн төслүүдийг хэлэлцэн санал дүгнэлтээ Төсвийн байнгын хороонд хүргүүлнэ.

Аюулгүй байдал, гадаад бодлогын байнгын хороо, Байгаль орчин, хүнс, хөдөө аж ахуйн байнгын хороо үдээс хойш 14 цагт хуралдах бөгөөд Монгол Улсын 2017 оны төсвийн тухай хуульд өөрчлөлт оруулах тухай, Нийгмийн даатгалын сангийн 2017 оны төсвийн тухай хуульд өөрчлөлт оруулах тухай хуулийн төслийн хоёр дахь хэлэлцүүлгийг хийн, санал дүгнэлтийг Төсвийн байнгын хороонд хүргүүлэх юм.

Дээрх бангын хороодын хуралдаанаас гадна УИХ дахь Ардчилсан намын бүлэг ч өнөөдөр хуралдаанаа үргэлжлүүлнэ.