Д.ДАМБА-ОЧИР: ЭРҮҮЛ МЭНДИЙН ДААТГАЛЫГ 50 ХУВЬ БУУРУУЛАХ БОЛОМЖИЙГ СУДЛААЧ

Төсвийн тодотгол дээр хоёр гурван санал хэлэх гэсэн юм.

Нэгт: Өөрөө орлого олдог 7 аймаг байгаа юм. тэр аймгуудын орон нутгийн хөгжүүлэх санд мөнгө төвлөрүүлдэг байсныг улсын төсөв рүү татдаг болсон. Үүнийг эргэж хараах хэрэгтэй байна. Аймгийн удирдлагууд нь орон нутгаа хөгжүүлэх, орлого олох тал дээр сэтгэл зовдоггүй болох вий гэхээс санаа зовж байна.

Хоёрт: Төсвийн тодотгол дээр Концессын эргэн төлөлтийг оруулж ирэх ямар шаардлага байгаа юм бэ? Энэ 140 тэрбумыг 2018-2019 оны төсөвт тусгаад яв л даа. Тийм яаралтай юм уу? Концессын эргэн төлөлтийг 2020 оноос хойш өгнө гэж ярьж байгаа шүү дээ. Тиймээс Концессын эргэн төлөлтийн 140 тэрбумыг эргэн нэг харах хэрэгтэй байна.

Гуравт:Мөнгөтэй болж байгаа юм бол хүүхдийн мөнгийг өгөх хүүхдийн тоог ахиулах тал дээр анхаараач ээ. Нийт хүүхдүүдийн 40 хувьд гэж байгаа. Тэгвэл 60-80 хувьд нь өгөх гарц нээгдчихэж гэж харж байгаа. Тэгэхээр хэрэгтэй хэрэггүй зүйлд зарцуулахаар нийгэмд чиглэсэн үйл ажиллагаанд зарцуулсан дээргүй юу. Иргэд эрүүл мэндийн даатгалд жилд нэг удаа 56000 төгрөг төлдөг. энэ төлж байгаа хүмүүс нь голдуу малчид, хувиараа аж ахуй эрхэлдэг амьдрал нь хүнд хүмүүс л төлж байгаа шүү дээ. Үүнийг эргэж харж багасгах тал дээр анхаарвал ямар вэ. 50 хувь бууруулах боломж байна уу?