Ц.НЯМДОРЖ, Н.УЧРАЛ, Ж.ЭНХБАЯР НАРЫГ ЗАСГИЙН ГАЗАРТ ОРЖ АЖИЛЛАХЫГ ИРГЭД ДЭМЖИЖ БАЙНА

Монгол Улсын Ерөнхий Сайд өнөөдөр танхимынхаа сайд нарын нэрийг УИХ-д өргөн барина гэх мэдээлэл чих дэлслээ. Ерөнхий сайд 10-р сарын 4-нд томилогдож, тамга тэмдгээ хүлээж аваад байгаа юм. Ерөнхий сайд болоод хоёр хонож байгаа У.Хүрэлсүх 14 хоногийн дотор Засгийн Газраа байгуулах хуулийн заалттай. Сайд нарын марафон төрийн ордонд хөшигний ард асар өндөр нууцлалтай яригдаж байна. Ямартай ч Монгол Улсын 30 дахь Ерөнхий сайд У.Хүрэлсүх өөрийн байгуулж буй Засгийн газраа тогтвортой байлгахын тулд парламентаасаа бүрдүүлнэ гэдгээ нуугаагүй. Ямартай ч өчигдөр Ийгл телевизээр нэгэн судалгааны байгууллагын дүнг танилцуулсан нь анхаарал татав. Хэн хэн гэдэг УИХ-ын гишүүнийг ямар салбарын сайд болгох вэ гэдгийг иргэдээсээ асууж, судалгаа хийжээ. Ингээд судалгаагаар хамгийн өндөр хувиар гарч ирсэн УИХ-ын гишүүдийг танилцуулж байна.

БСШУС-ын сайдаар Н.Учрал 30 хувь

БОАЖ-ын сайдаар мэдэхгүй 33 хувь, Ц.Гарамжив 21 хувь

Гадаад хэргийн сайдаар мэдэхгүй 33 хувь, Г.Занданшатар 22 хувь

Сангийн сайдаар 29 хувь нь мэдэхгүй, Л.Энх-Амгалан 26 хувь

ХЗДХ-ийн сайдаар Ц.Нямдорж 34 хувь

ХНХ-ын сайдаар мэдэхгүй 30 хувь, Л.Энх-Амгалан 26 хувь

БХБ-ын сайдаар 37 хувь нь мэдэхгүй, Д.Цогтбаатар 23 хувь

БХ-ын сайдаар Ж.Энхбаяр 34 хувь

ЗТ-ийн сайдаар Д.Сумьяабазар 36 хувь

ХААХҮ-ийн Д.Тэрбишдагва 37 хувь

ЭХ-ний сайдаар Ж.Ганбаатар 37 хувь

ЭМ-ийн сайдаар Ж.Цолмон 30

ЗГХЭГ-ын даргаар мэдэхгүй 28 хувь, Г.Занданшатар 24 хувь нь дэмжиж судалгаанд оролцжээ.

Нэгэнт ард түмнээсээ дэмжлэг авч сонгогдсон 30 дахь Ерөнхий Сайд У.Хүрэлсүх кабинетаа иргэдээсээ асууж сонговол арай илүү тогтвортой ажиллах боломж бий. Учир нь түүнийг намынх нь 29 гишүүн дэмжээгүй муухай хараад үлдсэн гэдгийг санах ёстой.