ЕРӨНХИЙ САЙДЫН СУУДАЛД СУУГААГҮЙ БАЙГАА У.ХҮРЭЛСҮХИЙН ЗОВЛОН ЭХЭЛЖЭЭ

Засаг солигдох бүрд дараагийн Засгийн газрын бүрэлдэхүүнд хэн хэн багтах тухай асуудал дэгддэг. Ямартай ч У.Хүрэлсүх шадар сайдаар нь ажиллаж байсан Засгийн газраа шүүмжилэн огцруулж, харин өөрөө дараагийн Засгийн газрын тэргүүн болохоор зүтгэж байна. У.Хүрэлсүхийг Ерөнхий сайд болгохыг албан ёсоор УИХ-аар батлаж, тогтоол гараагүй ч өөрийнхөө байгуулах Засгийн газарт ямар хүмүүсийг багтаах вэ гэх зовлон эхэлж, сайдад горьлогч нарын нэрс өдөр бүр солигдож байгаа аж.

Ямартай ч Д.Оюунхорол сайд Байгаль орчин, аялалж жуулчлалын яам аа, С.Бямбацогт Хууль зүй, дотоод хэргийн яам аа толгойлж үлдэхээр зүтгэж байгаа юм. Гэхдээ С.Бямбацогтоос гадна Ш.Раднаасэд, Ц.Нямдорж нар тус яамны сайдаар ажиллах сонирхолтой байгаа аж. Харин Ц.Мөнх-Оргил Гадаад харилцааны яамандаа үлдэх сонирхолтой байгаа бөгөөд Д.Цогтбаатар ч мөн адил тус яамыг толгойлон ажиллах сонирхолтой байгаа гэнэ. адаад хэргийн сайдад Ц.Мөнх-Оргил, Д.Цогтбаатар нар яригдаж буй аж.

Хөдөө аж ахуй, хөнгөн үйлдвэрийн сайдад Л.Элдэв-Очир, БСШУС-ын сайдад Д.Сарангэрэл, Сангийн сайдад Ч.Хүрэлбаатар, Ц.Даваасүрэн нар санаархаж байгаа юм. Ц.Даваасүрэн Сангийн сайдад барахгүй бол Эрчим хүчний сайд болох бодолтой яваа юм байна.

Хөдөлмөр, нийгмийн хамгааллын сайдад Д.Тогтохсүрэн, С.Чинзориг нар харин Шадар сайдад Д.Сумъяабазар, Ч.Улаан, Батлан хамгаалахын сайд Б.Бат-Эрдэнэ нар яригдаж байна.

Л.Оюун-Эрдэнийн хувьд ЗГХЭГ-ын даргад санаархаж байгаа бөгөөд ЗГХЭГ-ын даргад түүнтэй Я.Содбаатар өрсөлдөж байгаа аж. Хэрвээ Л.Оюун-Эрдэнэ ЗГХЭГ-ын даргаас нэрээ татвал Т.Аюурсайхан уг газарт даргаар үлдэхээр чичирч байгаа гэнэ.