​УИХ-ЫН ЧУУЛГАНЫ НЭЭЛТ ӨНДӨРЛӨЛӨӨ

Монгол Улсын Ерөнхийлөгч Х.Баттулга " Уул уурхайн бизнес хийдэг хүн, салбарын яаманд ордог байдлыг таслан зогсоох ёстой. Шударга ёс алдагдсан байдал хууль хяналтын байгууллагыг нөмөрчээ. УИХ, Засгийн газар нь олон нийтэд тодорхой хэргүүдийг шийдүүлэх тал дээр анхаарч ажиллах шаардлагатай байна.

60 тэрбумын гэх тодорхой хэргийг эзэнгүй болгож байгаа нь АТГ нь өөрөө авлигад автсан гэдгийг илтгэж байна гэдгийг дуулгах нь зөв.

Энэ өдөр С.Зориг амь алдсан өдөр. УИХ-ын гишүүд анхааралдаа авна биз дээ. Хууль хяналтын байгууллагын шударга бус үйл ажиллагаатай хатуу тэмцэнэ гэдгээ мэдэгдэе.

Улстөржилтийг таягдан хаяж, нийтийн эрх ашгийн төлөө ажиллаж чадахгүй бол улс оронд аюултай гэдгийг анхаарна биз ээ" хэмээн хэллээ. Ерөнхийлөгчийг үг хэлсний дараа намрын чуулганы нээлтийн үйл ажиллагаа өндөрлөсөн бөгөөд УИХ-ын даргын зөвлөл хуралдахаар болсон юм.