УИХ-ЫН НАМРЫН ЧУУЛГАНЫ НЭЭЛТ ЭХЭЛЛЭЭ

УИХ-ын намрын чуулган нээлтээ хийж байгаа бөгөөд чуулганыг нээж, УИХ-ын дарга М.Энхболд үг хэлж байна. "Улс орны төрийн үйл ажиллагаа тогтвортой байх ёстой. ...Нийслэлийн агаар орчны бохирдол, утааны асуудлыг цэгцлэх тууштай бодлого хэрэгтэй байна. Хийж хэрэгжүүлсэн нь үр дүнгүй, хөрөнгө мөнгө үрэн таран хийсэн байж болохгүй юм. Суурьшлийн шинэ бүс бий болгох, шинэ бүст шилэх аж ахуйн нэгжийг татварын бодлогоор дэмжих ажлыг эхлүүлнэ. Үндсэн хуулийн өөрчлөлтөнд нухацтай хандаж, эрдэмтэн судлаачдын үгийг сонсч, олон нийтийн санал, асуулгыг сонсох нь чухал юм. Засаглалын тогтвортой байлгах, намуудын үйл ажиллагааг зарчимтай байлгах. Төрийн алба улстөрөөс хэтэрхий хараат явж ирсэн нь нууц биш юм. Тиймээс төрийн албыг мэргэжшсэн, хариуцлагатай байлгах тал дээр анхаарч ажиллах нь зөв юм..." хэмээлээ. Нээлтийн үйл ажиллагаа үргэлжилж байгаа бөгөөд яг одоо Монгол Улсын Ерөнхийлөгч Х.Баттулга үг хэлж байна. Бид тун удахгүй УИХ-ын даргын үгийг бүрэн эхээр нь хүргэх болно.