​ЗАСГИЙН ГАЗРЫГ УНАГАСАН 31 ГИШҮҮН У.ХҮРЭЛСҮХТЭЙ СЭМ УУЛЗЖЭЭ

Ж.Эрдэнэбатын Засгийн газрыг унагах үйлст гар бие оролцсон 31 гишүүн өчигдөр 18 цагаас Монгол Улсын Ерөнхий сайдад нэр дэвшигч У.Хүрэлсүхтэй уулзаж баяр хүргэж наргисан байна. Мэдээж хоёрдугаар ээлжийнхэн нь хоолондоо орж, бялуу хүртэх гавьяагаа авах гэж яарч байгаа нь тодорхой.

Гэхдээ нэг дор бөөнөөрөө уулзсан учир гишүүд би сайд болно, би сайд болно гэж дайрч зүрхлээгүй биз. Учир нь нэг нэгнээсээ ичиж таарах буй за. Харин Монгол Улсын Ерөнхий сайдад нэр дэвшигч У.Хүрэлсүхэд хандаж бүлэглэл фракциудын хуйвалдаанд орж тохирч томилгоо хийхгүй байхыг зөвлөсөн байна. Ямартай ч Ерөнхий сайдын томилох ажлыг ирэх сарын 7-ны дотор шийднэ хэмээн өчигдөр МАН-аас мэдэгдсэн. Тэгвэл маргааш УИХ-ын Төрийн байгуулалтын байнгын хороогоор МУ-ын Ерөнхий сайдын асуудлыг хэлэлцэхээр болсон байна.