УМАРД СОЛОНГОС ЗОВЛОН ХОХИРОЛ УЧРУУЛАХАА АМЛАВ

Умард Солонгос ээлжит цөмийн зэвсгийн туршилтаа хийсэн тул НҮБ-ын Аюулгүй Зөвлөлийн хуралдаанаар тус улсад тавих эдийн засгийн хоригийг улам чангатгахаар боллоо. Манай хоёр хөрш болох ОХУ, БНХАУ ч хоригийг чангатгахыг дэмжсэн байна.

Урьд хожид дэлхийн аль ч улсад тавтж байгаагүй хатуу хоригийг хэрэглэхээр болсноо НҮБ-ын Аюулгүйн зөвлөл зарлалаа. Нефть болон хүнсний бүтээдэхүүн нийлүүлэхгүйн зэрэгцээ Умард Солонгосын бөс даавуун барааг ч худалдан авахгүй байхаар хоригт тусгасан байна. Ингэснээр Умард Солонгосын экспортын орлогын 90 орчим хувийг хаах ажээ. Үүн дээр нэмж хориг арга хэмжээ авбал Умард Солонгосыг боомилж хөнөөсөнтэй ялгаагүй явдал болно гэж мэргэжилтнүүд дүгнэж байна.

Тус хориг арга хэмжээний талаар шийдвэр гаргахаас өмнө Умард Солонгосын Мэдээллийн төв агентлагаас Гадаад Харилцааны яамныхаа мэдэгдлийг дэлхий даяар түгээлээ. Тус мэдэгдэлд "Хэрвээ дахин шинэ хориг арга хэмжээ авбал АНУ-д зовлон, хохирол учруулна" гэж дурьджээ. Мөн "Вашингтоноос манай улсад үзүүлэх дарамт ухамсарт оюун ухаанд багтахааргүй хэмжээнд хүрлээ" хэмээн онцлон тэмдэглэсэн байна.

М.Болджин