Н.НОМТОЙБАЯР: Х.БАТТУЛГА, З.ЭНХБОЛД, Н.АЛТАНХУЯГ НАРТ БАЯР ХҮРГЭЕ

УИХ-ын ээлжит бус хуралдаан Засгийн газрыг огцруулах асуудлаар хуралдаж байна. Өнөөдрийн хуралдаан 24 цаг хүртэл үргэлжлэх бөгөөд гишүүд хоол идэхээр түр завсарлаад байсан юм. Хуралдаан завсарлахаас өмнө 20 гишүүн үг хэлсэн бол одоо 10 гишүүн үг хэлэх үлдээд байна.

Н.Номтойбаяр: Ерөнхийлөгч Х.Баттулга, тамгын газрын дарга З.Энхболд, зөвлөх Н.Алтанхуяг нарт баяр хүргэхэд холгүй нөхцөл байдал үүсээд байна. Манай намын зарим нэг нөхдийн увайгүй үйлдэл дээр улстөрийн нүүдэл хийж байна. Концесс дээр миний нэр удаа дараа яригдаж байгаа. Гэрээ байгуулагдсан уу гэвэл байгуулагдсан. Таван засгийн газар шат дараалалтай шийдэж явсан асуудал. Хорь гаран жилийн хугацаанд бизнес хийсэн. Сүүлийн 10 жил улсад татвар төллөө.

Би засгийн газрын гишүүн болсноор манай компани үйл ажиллагаагаа хаах байсан юм уу. Би ашиг сонирхолын зөрчилгүй. Бид улсаа хөгжүүлэх л ашиг сонирхолтой. Хөгжлийн банкнаас зээл авсан гээд шүүмжилсэн. Цементын үйлдвэр ашиглалтанд орсон Хятадаас цемент авахаа байсан, олон хүн ажилтай болсон. Яагаад үүний үр дүнг ярихгүй байгаа юм. Батзандан Х.Тэмүүжингийн оронд хуульзүйн сайд болох гээд гүйж байсан. Намын чинь нөхөд дэмжээгүй. Дэмжээгүй нь ч зөв юм байна гэж бодож байна.