​Н.ОЮУНДАРЬ: ЗАСГИЙН ГАЗАРТ БИД АЧААНЫ ХҮНДИЙГ ҮҮРҮҮЛСЭН

Засгийн газарт бид ачааны хүндийг үүрүүлсэн. Яаж доройтсон эдийн засгийг өөд нь татаж байгаа билээ. Нэг жилийн хугацаа бол Засгийн газарт дүн тавихад хангалттай хугацаа биш. Засгийн газарт алдаа оноо байсан. Гэхдээ энэ алдаа дутагдлыг бид залруулаад явах хэрэгтэй. Гэвч 65 суудалтай бидний нэг хэсэг гарын үсэг зурж, засгийн газраа огцруулахаар зэхэж байна.

Бид 24 цаг хүртэл хуралдана. Шийдвэрээ гаргана. Энэ хугацаанд Монгол улсын нийтлэг эрх ашиг, эв нэгдлийн төлөө, тогтвортой төр засгийн төлөө шийдвэр гаргаасай гэж хүсч байна. Намын мөрийн хөтөлбөрөө биелүүлсэнийхээ төлөө Засаг унах гэж байна.

Сөрөг хүчин өнөөдөр сул, дорой байна. Сөрөг хүчний орон зай үгүйлэгдээд байна. Харин өнөөдөр бид нам дотроо сүүдрийн засгийн газар байгуулж ажиллаад байгаа юм биш үү.

Н.Цэндбат