УИХ-ЫН ТУСГАЙ ХЯНАЛТЫН ДЭД ХОРОО ХУРАЛДАХ ГЭЖ БАЙНА

УИХ-ын Тусгай хяналтын дэд хорооны гишүүд Ерөнхий сайдаас өгсөн хүсэлттэй танилцаж, Тусгай хяналтын дэд хороог хуралдуулахаар болсон билээ. Тусгай хяналтын дэд хороо Н.Энхболд, Г.Занданшатар, Д.Цогтбаатар, Я.Санжмятав нар багтдаг бөгөөд С.Батболд даргалдаг юм. Тусгай хяналтын дэд хороо нь таван гишүүнтэй бөгөөд тэдний гурав нь Засгийн газрыг унагахаар гарын үсэг зурсан хүмүүс бол нэг нь АН-ын нэг гишүүн ажээ. Хуралдаанаар Ерөнхий сайд Ж.Эрдэнэбат, Шадар сайд У.Хүрэлсүхийг тагнаж чагнасан гэх асуудлыг үнэн зөв шалгаж байна уу гэдгийг уг хуралдаанаар хэлэлцэх юм байна.

Одоогийн байдлаар тус хорооны хуралдаанд Д.Цогтбаатар, Г.Занданшатар нар ирчихээд байгаа бөгөөд Н.Энхболд өрөөндөө байгаа гэх мэдээлэл байна. Харин Я.Санжмятав, С.Батболд нар ирээгүйн байгаа аж. Хуралдаан Төрийн ордны Г танхимд болох бөгөөд сэтгүүлчдийг ойртуулахгүй, ойр орчимд нь сүлжээ унагагч байрлуулжээ.