ЕРӨНХИЙ САЙД ӨРГӨДЛӨӨ ӨГӨӨГҮЙ

УИХ дахь МАН-ын бүлгийн 31 гишүүн Засгийн газрыг огцруулах саналд гарын үсэг зурсан. Уг саналыг Төрийн байгуулалтын байнгын хороо хэлэлцээнд огцруулах шаардлагагүй гэж үзсэн юм. УИХ-ын чуулганы хуралдааны дэгийн тухай хуульд заасны дагуу Засгийн газрыг огцруулах саналыг хэлэлцэх эцсийн хугацаа нь маргааш. Тиймээс чуулганыг маргааш хуралдуулах ёстой. Гэвч чуулганы нэгдсэн хуралдаанаар энэхүү асуудлыг хэлэлцэхээс өмнө Ерөнхий сайд өргөдлөө өглөө гэх мэдээлэл цацагдаад байна. Тэгвэл уг мэдээлэл ор үндэслэлгүй, худал мэдээлэл гэдгийг Засгийн газрын хэвлэлийн албанаас мэдэгдлээ.