​АН-ЫН БҮЛЭГТ ЗАСГИЙН ГАЗРЫГ ОГЦРУУЛАХЫГ ДЭМЖСЭН ЗӨВЛӨМЖ ХҮРГҮҮЛЖЭЭ

АН-ын Улстөрийн зөвлөл өнөөдөр "Ардчилалын орон"-д хуралдсан байна. Уг хуралдаанаар цаг үеийн болон Засгийн газрын үйл ажиллагааны талаар УИХ дахь АН-ын бүлгийн байр суурийг хэлэлцсэн байна.

Ардчилсан намын Улстөрийн зөвлөл анхдугаар хуралдаанаасаа засгийн газрыг огцруулахыг дэмжсэн зөвлөмж гарган АН-ын бүлэгт хүргүүлжээ.

Тодруулбал, УИХ-ын нэр бүхий гишүүд Засгийн газрыг огцруулах асуудлыг УИХ-д өргөн барьсантай холбоотойгоор уг асуудалд Ардчилсан намын болон УИХ дахь АН-ын бүлгийн баримтлах байр суурийг тодорхой болгох асуудлыг хэлэлцжээ. Улстөрийн зөвлөлөөс гаргасан тогтоолд дурдсанаар УИХ дахь АН-ын бүлэг Засгийн газрын үйл ажиллагаанд үнэлэлт дүгнэлт өгч, хариуцлага тооцож ажиллах нь зөв гэсэн шийдвэр гаргажээ.

Н.Бат