​Б.БАТЗОРИГ ГИШҮҮН ГАРЫН ҮСГЭЭСЭЭ БУЦСАН БОЛОЛТОЙ

Засгийн газрыг огцруулах бичгээсээ зарим нэг гишүүд нь буцсан тухай яриа Төрийн ордноор нэг хөвөрч буй. Тэр дунд УИХ-ын гишүүн Б.Батзоригийн нэр дуулдсан юм. Тиймээс МАН-ын бүлгийн хуралдааныг хүлээж байсан сэтгүүлчид гишүүнээс "Та дарамтлуулаад засгийн газраа огцруулах гарын үсгээсээ буцсан юм уу? гэх асуужээ. Харин эрхэм гишүүний хувьд бантсан уу, балмагдсан уу, эсвэл байдлыг ажиглаж нөхцөл байдал хаашаа хэлтийхийг харж байгаад дуугарахаар шийдэв үү "Бүлэг хуралдах гэж байна" гэх хариултыг өгчээ.

Ямартай ч "үгүй" хэмээн зоригтой хэлж чадахгүй байхыг бодоход эрхэм гишүүн гарын үсгээсээ буцсан нь үнэн бололтой. Харин эрхэм гишүүн ямар нэгэн дарамтанд өртөв үү, эсвэл гарын үсгээсээ буцах өөр шалтгаан байв уу гэдэг хэсэг хугацааны дараа тодорхой болох биз ээ.

Н.Бат