МАН-ЫН БҮЛЭГ ХААЛТТАЙ ХУРАЛДАЖ БАЙНА

Засгийн газрыг огцруулах саналыг нэр бүхий УИХ-ын гишүүд УИХ-д өнгөрсөн долоо хоногт өргөн бариад байгаа билээ. Уг асуудлыг 7 хоногийн дотор Төрийн байгуулалтын байнгын хороо хэлэлцэн санал, дүгнэлтээ гаргах учиртай. Харин байнгын хорооны хуралдааны өмнө УИХ дахь хоёр намын бүлэг хуралдан байр сууриа нэгтгэдэг. МАН-ын бүлгийн хуралдаан 14 цагт болохоор тов зарлагдсан байсан. Одоогийн байдлаар УИХ-ын гишүүн С.Саранчимэг, Х.Баделхан, Н.Оюундарь, Л.Энх-Амгалан, Г.Мөнхцэцэг, Н.Цэрэнбат, О.Содбилэг, Г.Тэмүүлэн, М.Билэгт нар ирсэн байна. Харин Засгийн газрыг огцруулах бичигт гарын үсэг зурсан 30 гишүүн ирэхгүй гэх мэдээлэл байгаа юм.

14:30 минутын байдлаар УИХ-ын гишүүн Ц.Цогзолмаа, МАН-ын бүлгийн дарга Д.Хаянхярваа, Н.Энхболд нар нэмэгдэж ирлээ.

14:38 цагт УИХ-ын гишүүн, ЗГХЭГ-ын дарга Ж.Мөнхбат ирлээ

14:45 цагийн байдлаар УИХ-ын гишүүн Я.Содбаатар, Г.Занданшатар, Ц.Даваасүрэн, Д.Оюунхорол, С.Бямбацогт, Х.Баделхан нар ирэв

15:00 цагт УИХ-ын дарга М.Энхболд, УИХ-ын гишүүн Д.Дамба-Очир нар бүлгийн хуралдаандаа ирлээ.