​Сэтгэцэд нөлөөт бодис хууль бусаар бэлтгэж, хадгалсан иргэнд гурван жилийн хорих ял оноожээ

Сэтгэцэд нөлөөт бодис хууль бусаар бэлтгэж, хадгалсан 49 настай эрэгтэйд гурван жилийн хорих ял оноожээ. Тодруулбал, шүүхээс Ц.С-ийг гэм буруутайд тооцож, 1 жил 6 сарын хугацаагаар хорих ял оногдуулсан байна. Мөн өмнөх шийтгэх тогтоолоор оногдуулсан хорих ялын эдлээгүй үлдсэн хугацааг нэмж, нийт гурван жил 10 сар 17 хоногийн хугацаагаар хорих ял эдлүүлэхээр шийдвэрлэсэн байна. Ялыг нээлттэй хорих байгууллагад эдлүүлэхээр болжээ.

Тодруулбал, Ц.С нь … аймгийн нутаг дэвсгэрээс НҮБ-ын 1971 оны Сэтгэцэд нөлөөлөх бодисын тухай конвенцын II жагсаалтад багтдаг, "өвс" нэршилтэй, хориглосон сэтгэцэд нөлөөт бодисыг худалдаалах зорилгогүйгээр хууль бусаар түүж бэлтгэн, … тоот гэртээ хадгалсан хэрэгт холбогджээ. Эрүүгийн хуулийн 20.7 дугаар зүйлийн 1 дэх хэсэгт заасан "хориглосон сэтгэцэд нөлөөт бодисыг худалдаалах зорилгогүйгээр хууль бусаар олж авсан, хадгалсан" гэх үндэслэлээр яллах дүгнэлт үйлдэж, хэргийг шүүхэд шилжүүлсэн байна.