Эрүүл мэндийг дэмжих нээлттэй хаалганы өдөрлөг эхэллээ

“Нээлттэй хаалганы өдөр”-ийг гурван өдөр зохион байгуулж байна.

• 1-р өдөр – Эрүүл мэндийн боловсрол, зөв дадал

• 2-р өдөр – Эрт илрүүлэг, урьдчилан сэргийлэх үзлэг

• 3-р өдөр – Уламжлалт анагаах ухааны ололт

Энэ онд Монголын уламжлалт анагаах ухааны нэгдсэн тогтолцоо үүсэж хөгжсөний 345 жилийн ой тохиож буй бөгөөд уламжлалт анагаах ухааны өв соёл, мэдлэгийг орчин үеийн анагаах ухаантай уялдуулан хөгжүүлэх бодлого хэрэгжиж байна. Та бүхнийг өөрийн болон гэр бүлийнхээ эрүүл мэндэд анхаарч, нээлттэй хаалганы өдөрлөгт идэвхтэй оролцохыг уриалж байна.

Эрүүл мэнд бол бидний хамгийн үнэт баялаг. Иргэн бүрийн оролцоо, зөв дадал эрүүл нийгмийн үндэс юм. Монгол Улсад халдварт бус өвчин нийт нас баралтын 77%-ийг эзэлж байгаа нь амьдралын хэв маягтай шууд холбоотой. Иймд урьдчилан сэргийлэх, эрт илрүүлгийг бодит ажил болгоход энэхүү өдөрлөг чиглэж байна.