Ч. Лодойсамбуу: Гэмт хэрэг, хулгайтай холбогдсон хүмүүсийг хамгаалж, үлдээж байна

УИХ-ын чуулганы 4-р сарын 9-ний пүрэв гарагийн хуралдаанаар Ерөнхийлөгчийн санаачилсан УИХ-ын гишүүнийг эгүүлэн татах тухай хуулийн төслийг хэлэлцэх эсэхийг хэлэлцсэн юм. Чуулганд гишүүд байр сууриа илэрхийлсэн. УИХ-ын гишүүн Ч. Лодойсамбуу,  "Сүүлийн үед үг хэлэх эрх чөлөөг хязгаарлах шинжтэй, “үгэнд ордог болгох” механизм нэвтрүүлэх тухай яригдаж буйд харамсаж байна. Энэ нь ардчилсан нийгмийн суурь зарчимд харшилсан, байж боломгүй зүйл юм. Манай улс өөрсдийгөө 30 жилийн парламентын засаглалын түүхтэй хэмээн тодорхойлдог. Гэвч бодит байдал дээр олонхийн шийдвэрийг дагахын зэрэгцээ цөөнхийн дуу хоолойг хүндэтгэх, сонсох зарчим алдагдах хандлага ажиглагдаж байна. Түүх сөхвөл, Чингис хааны үед Их хуралдайн тогтолцоогоор чухал асуудлуудыг олонхийн саналаар шийдвэрлэдэг байсан ч цөөнхийн байр суурийг мөн харгалзан үздэг байжээ. Харин өнөөдөр иргэдийн дунд зарим ойлголт холилдож, буруу чиглэлд хэлбийж байна. Авилга, хулгай, гэмт хэрэгт холбогдсон этгээдүүдийг хамгаалах, өмгөөлөх, улмаар хариуцлагаас мултлах оролдлого гарсаар байгаа нь нийгмийн шударга ёсны зарчимд сөргөөр нөлөөлж байна. Иймд хууль, засаглалын шинэчлэл нэрийн дор иргэдийн үг хэлэх эрх чөлөөг хязгаарлах бус, харин ил тод байдал, хариуцлагын тогтолцоог бэхжүүлэх нь илүү чухал асуудал болоод байна" гэв. 

го