Баруун-Урт суманд орон сууцанд гал гарч, 15 иргэнийг утаажилтын бүсээс гаргажээ

Сүхбаатар аймгийн Баруун-Урт сумын 7 дугаар багт орон сууцанд эд зүйл шатаж байна гэсэн дуудлагыг дөрөвдүгээр сарын 5-ны өдрийн 15:50 цагт холбогдох албанд ирүүлжээ.

Дуудлагын дагуу аймгийн Онцгой байдлын газрын 15 дугаар ангийн алба хаагчид шуурхай ажиллаж, иргэн А-ын орон сууцанд гарсан галыг унтраасан байна.

Аврагчид ажиллах явцдаа утаажилтын бүсээс 15 иргэнийг аюулгүй бүсэд гаргаж, болзошгүй эрсдэлээс сэргийлжээ.

Галын шалтгаан нөхцөлийг холбогдох байгууллагууд тогтоохоор ажиллаж байна.