Улаанбурхан өвчний 33 тохиолдол шинээр бүртгэгдлээ

2026 оны гуравдугаар сарын 31-ний өдрийн байдлаар улаанбурхан өвчний нөхцөл байдлын ээлжит мэдээллийг танилцууллаа.

Сүүлийн 24 цагийн хугацаанд 33 шинэ тохиолдол бүртгэгдсэнээс 18 нь нийслэлд, 15 нь орон нутагт илэрсэн байна. Нас баралт бүртгэгдээгүй аж.

Нийт халдварын тоо 14,498-д хүрснээс 11,722 нь нийслэлд, 2,771 нь орон нутагт бүртгэгдсэн бол нийт 15 нас баралт бүртгэгджээ.

Одоогоор 67 хүн эмнэлэгт хэвтэн эмчлүүлж, 2 хүн гэрээр эмчлүүлж байна. Эмнэлэгт байгаа иргэдийн дийлэнх нь хөнгөн болон дунд зэргийн оноштой байгаа бол хүнд тохиолдол цөөн байна.

Өвчлөлийн хувьд бага насны хүүхдүүдийн дунд өндөр хэвээр байгаа бөгөөд халдварын дэгдэлт 401 дэх өдрөө үргэлжилж байна.

Эрүүл мэндийн байгууллагууд иргэдийг халдвар хамгааллын дэглэмээ сахих, вакцинжуулалтад идэвхтэй хамрагдахыг анхааруулж байна.