Ил гал гаргахгүй байхыг анхааруулж байна

Нийт нутгаар агаарын температур нэмэгдэж байгаатай холбоотойгоор хуурайшилттай байна. Энэ үед иргэдийн санамсар болгоомжгүй үйлдлээс болж ой хээрийн түймэр гарах нь нэмэгддэг. Тиймээс ой, хээрийн бүсэд зорчихдоо галын аюулгүй байдлыг чанд сахиж, ил гал гаргахгүй байхыг Онцгой байдлын газраас анхаарууллаа.

Өмнөговь, Дорноговийн баруун өмнөд хэсгээр хуурайшилт нэн их байна.Харин Баянхонгор, Сүхбаатарын өмнөд, Өвөрхангай, Дундговь, Өмнөговь, Дорноговийн ихэнх нутгаар хуурайшилт их байна.
Баян-Өлгийн хойд, Увсын баруун өмнөд, Завханы баруун, Ховд, Говь-Алтай, мөн ой, хээрийн бүс нутаг болох Хөвсгөл, Архангай, Булган, Дархан-Уул, Сэлэнгэ, Төв, Хэнтий, Дорнод аймгуудын нутгаар дунд зэргийн хуурайшилттай байна.