О.Цогтгэрэл: Чуулган хуралдахгүй байгаа ч цаг үеийн тулгамдсан асуудлыг сонсох ёстой

Цаг үеийн асуудлаар УИХ дахь Ардчилсан намын бүлгийн дарга О.Цогтгэрэлээс тодрууллаа. Тэрбээр,  "Ардчилсан намын бүлэг өнөөдөр хуралдана. Хурлаар цаг үеийн тулгамдсан асуудлууд, тэр дундаа уул уурхайн салбар болон Олон улсын нөхцөл байдалтай холбоотой асуудлаар мэдээлэл сонсох гэж байна.

Тодруулбал, Уул уурхайн сайдыг оролцуулан шатахуун хангамж, нефтийн бүтээгдэхүүний нөхцөл байдал зэрэг асуудлаар мэдээлэл авах нь зүйтэй гэсэн санал гарсан.

Хэдийгээр өнөөдрийн Улсын Их Хурлын чуулганы үйл ажиллагаанд тодорхой хэмжээний саатал үүссэн ч улс орны өмнө тулгамдаж буй асуудлуудаар мэдээлэл авч, хэлэлцэх шаардлагатай гэж үзэн ийнхүү бүлгийн хурал зохион байгуулахаар болсон" гэв.