Өнөөдөр: Дэлхийн театрын өдөр тохиож байна

1962 онд гуравдугаар сарын 27-ны өдрийг дэлхийн “Театрын өдөр” хэмээн тунхагласнаас хойш энэ өдрийг дэлхийн өнцөг булан бүрд театрын уран бүтээлчид, театрын үнэнч үзэгчид тэмдэглэж ирсэн. 

Монголд 1990-ээд оноос театрын өдрийг тэмдэглэдэг болжээ. Ингэхдээ тухайн жилдээ туурвисан шилдэг бүтээлүүдээ үзэгчдэд толилуулж үзэсгэлэн, уралдаан зохион байгуулдаг уламжлалтай. 

Энэхүү өдрийг тохиолдуулан УДЭТ болон ҮУИТ мэргэжлийн урлагийн ууган байгууллагуудын хувьд театрын баярыг хамтран зохион байгуулна.  21 аймгийн театр, чуулга, хувийн театрууд болон урлагийн салбарын уран бүтээлчид оролцоно. Баярын үеэр зохион байгуулах “Театрын сургуулилалт” тоглолтоор эртний Грекийн Хомероос эхлээд дэлхийн яруу найргийн бүх үеийг төлөөлөх 30 гаруй яруу найрагчийн бүтээлээс дээжлэн толилуулах юм. Мөн тоглолтын найруулагчаар УДЭТ-ын найруулагч, ОХУ-ын Театрын урлагийн дээд сургууль /ГИТИС/-ийн төгсөгч Э.Билгүүн ажиллаж байна. Түүнчлэн оны шилдэг уран бүтээл, уран бүтээлч шалгаруулах “Мөнгөн мод-2025” ёслол Дуурь бүжгийн эрдмийн театрын тайзнаа болно.