Улаанбурхан өвчний 12 тохиолдол шинээр бүртгэгдлээ

2026 оны гуравдугаар сарын 24-ний өдрийн байдлаар улаанбурхан өвчний нөхцөл байдлын мэдээг танилцууллаа.

Сүүлийн 24 цагийн хугацаанд 12 шинэ тохиолдол батлагдсанаас 5 нь нийслэлд, 7 нь орон нутагт бүртгэгдсэн байна. Харин нас баралт бүртгэгдээгүй байна.

Нийт бүртгэгдсэн тохиолдлын тоо 14,422-д хүрчээ. Үүнээс 11,689 нь нийслэлд, 2,733 нь орон нутагт бүртгэгдсэн бол 15 хүн нас барсан байна.

Одоогоор 43 хүн эмнэлэгт хэвтэн эмчлүүлж байгаа бол 6 хүн гэрээр эмчлүүлж байна. Нийслэлд 23, орон нутагт 20 хүн эмчилгээ авч байгаа аж. Эмнэлэгт хэвтэн эмчлүүлж буй иргэдийн дийлэнх нь хөнгөн болон дунд зэргийн оноштой байна.

Өвчлөлийг насны бүлгээр авч үзвэл 10 хүртэлх насны хүүхдүүдийн дунд хамгийн өндөр байгаа нь анхаарал татаж байна.

Мөн 10,000 хүн амд ногдох өвчлөлийн түвшин зарим аймагт өндөр хэвээр байна.

Одоогийн байдлаар улаанбурхан өвчний дэгдэлт 396 дахь өдрөө үргэлжилж байгаа тул иргэдийг халдвар хамгааллын дэглэмээ сахихыг эрүүл мэндийн байгууллагаас анхааруулж байна.