Антропологийн багш Г.Мөнх-Эрдэнийн Туулын хурдны замыг шүүмжлэх шалтгаан

Туулын хурдны замыг барих талаар анх 2013 онд Улаанбаатар хотыг 2030 он хүртэл хөгжүүлэх хөгжлийн ерөнхий төлөвлөгөөнд тусгаж байв. Үүнээс хойш “Алсын хараа-2050” бодлого, УИХ-ын тогтоолоор хүртэл Туулын хурдны замыг барих асуудал батлагдсан. 2014-2016 онд Туулын хурдны замын анхны зураг төсөл батлагдаж, 2024 онд зураг төслийг шинэчлэхээр болж, 2025 онд зураг төслийг дахин шинэчилсэн. Гэвч сүүлийн өдрүүдэд Туулын хурдны зам барихыг эсэргүүцэж, МУИС-ийн Антропологийн багш Г.Мөнх-Эрдэнэ зэрэг хүмүүс төв талбайд жагсаж байна.

МУИС-ийн Антропологийн багш Г.Мөнх-Эрдэнэ нь байгалийн ухааны салбарын хүн биш, тэр дундаа авто замтай бол огт холбоогүй. Нийгэм, соёлын судлаач антропологич мэргэжилтэй. Тэрбээр “Яагаад Туулын хурдны замыг барьж болохгүй” талаар нэг ч үндэслэлийг шинжлэх ухааны талаас нь тайлбарлах авто замын судлаач, байгалийн ухааны судлаач биш юм. 

Эх сурвалжийн мэдээлснээр МУИС-ийн Антропологийн багш Г.Мөнх-Эрдэнэ нь УИХ-ын гишүүн Д.Бум-Очирын шавь нь байсан гэх. Д.Бум-Очир УИХ-ын гишүүн болохоосоо өмнө МУИС-д антропологийн чиглэлээр багшилж байсан нь ч тэдний холбоог гэрчилнэ. Антропологийн багш Г.Мөнх-Эрдэнэ УИХ-ын гишүүн Д.Бум-Очирын захиалгаар талбай дээр Туулын хурдны замыг эсэргүүцэн зогсож байхыг үгүйсгэхгүй юм.