Тик Ток аппликейшныг цахим орчинд ашиглахгүй байхыг уриалж эхэллээ

Цахим хэрэглээ өсч нэмэгдэхийн хэрээр хүүхдүүдэд үзүүлэх сөрөг нөлөө нэмэгдэж байна. Тиймээс ч дэлхийн улс орнууд хүүхдийн цахим хэрэглээг хязгаарлах талаарх саналыг гаргаж, зарим улс орнууд хэрэгжилтийг хангаж эхлээд буй юм. Тодруулбал, Австрали улсын Засгийн газар 16-аас доош насны хүүхдүүд сошиал медиа ашиглахыг хориглох хуулийг хэрэгжүүлж эхлээд байна. 

Мөн дэлхийн бусад улс орнууд "Тик Ток"-ыг хаана гэх санал санаачлага гарган зарим улсад хэрэгжүүлж байна. Учир нь хувийн мэдээллийн аюулгүй байдал, хүүхдийн аюулгүй байдалд сөрөг нөлөөлөх контентууд хийгдэж буй нь "Тик Ток"-оос татгалзах шалтгаан болж буй юм. 

Тэгвэл манай улсад сүүлийн өдрүүдэд "Тик Ток"-оос татгалзах, хүүхдийнхээ утаснаас устгах санал уриалга цахим орчинд гарч байна. Иргэдээс энэ талаар тодруулахад Тик Ток аппликейшныг цахим орчинд ашиглахгүй байх дээр санал нэгдэж буйгаа илэрхийлж байна.