Цалинтай ээжийн 50 мянгыг 500 мянга хүргэх өргөдөлд 84001 хүн гарын үсэг зуржээ

Цалинтай ээжид олгодог мөнгөн дүнг хөдөлмөрийн хөлсний доод хэмжээгээр тогтоох,  хүн амын өсөлтийг дэмжих зорилгоор нийтийн өргөдөл гомдлын системд эхлүүлсэн гарын үсэг зурах үйл явц үргэлжилж байна. 2026 оны 2 дугаар сарын 12-нд гарын үсэг цуглуулж эхэлснээс хойш нийт 84 мянган хүн гарын үсэг зуржээ. Гарын үсэг цуглуулж дуусах сүүлийн хугацаа өнөөдөр буюу 3 дугаар сарын 14-ний 17:41 минут. Энэ хугацаанд гарын үсэг зурсан иргэдийн тоо 100 мянгад хүрвэл уг асуудлыг УИХ-ын чуулганаар хэлэлцэх боломж бүрдэх юм. 

Цалинтай ээжид олгох 50 мянган төгрөг нь өнөөдрийн зах зээлийн нөхцөлд живх, сүү ч авч хүрдэггүй болохыг санаачлагчид онцолж байгаа юм. Хэрвээ та тус өргөдөлд гарын үсэг зурахыг хүсвэл  https://petition.parliament.mn... линкээр нэвтрэх боломжтой юм.