С.Шаарийбуу Ерөнхий сайд Г.Занданшатартай уулзана

Ш.Алтантуяа агсны аав С.Шаарийбуу өнөөдөр Ерөнхий сайд Г.Занданшатартай уулзана. Nргэний хувиар Малайзын шүүхэд хандахад хүчин мөхөсдөж байгаа тул Монгол Улсын Засгийн газраас дэмжлэг хүсч байгаагаа илэрхийлсэн юм. Шүүхийн шийдвэрийн дараа Ш.Алтантуяа агсны гэр бүлээс Малайзын Дээд шүүхэд дахин гомдол гаргахаа мэдэгдсэн. 

2006 оны аравдугаар сард Малайзад Монгол Улсын иргэн Ш.Алтантуяа бусдын гарт онц хэрцгийгээр амиа алдсан харамсалтай хэрэг гарсан. С.Шаарийбуу  Разах Багиндагийн эсрэг нийт 21 удаа шүүхдээд байгаа бөгөөд давж заалдах шатны шүүхээс Малайзын Засгийн газрыг буруугүй гэж үзэн, С.Шаарийбууд олгох нөхөн төлбөр 5 сая ринггитийг 1.4 сая ринггит болгон бууруулахаар шийдвэрлэсэн байдаг.